Peymana Xeta Boriya Petrola Xam a ku di sala 1973’an de di navbera Tirkiye û Iraqê de hatibû îmzekirin û di nav salan de bi protokolên cuda hatibû nûvekirin, wê di Tîrmeha sala 2026’an de dawî bibe. Biryar di 20’ê Tîrmeha 2025’an de bi îmzeya Serokkomarê Tirkiyê Recep Tayyip Erdogan di Rojnameya Fermî de hate weşandin.
Li gorî biryara bi hejmara 10113 a Rojnameya Fermî hatî weşandin, peymana ku cara yekem di 27’ê Tîrmeha 1973’an de di navbera herdu welatan de hatibû îmzekirin, bi hemû belgeyên din, protokol û dirêjkirinên pê ve girêdayî, wê di 27’ê Tîrmeha 2026’an pê ve êdî rewabûna xwe winda bike û bi dawî bibe.
Ev peymana ku di sala 1973’an de hat îmzekirin, ji xeta boriya petrola xam a di navbera Iraq-Tirkiyeyê de ku yek ji boriya veguhestina enerjiyê ya girîng a Tirkiyeyê ye, pêktê. Peyman di nav salan de li gorî pêdiviyên guherîner bi protokolên cuda hatiye nûkirin. Herî dawî di sala 2010’an de ji bo 15 salan hatibû dirêjkirin.
