Çavkaniyekî Fîlîstînî îdîa kir ku berdevkê Tûgayên Îzzeddîn el Kassam ku baskê leşkerî yê Hamasê ye Ebu Ubeyde di êrîşa hewayî ya Îsraîlê de hatiye kuştin.
Çavkanî ji televîzyona Al-Arabiya re axivî ku navenda wê li Erebistana Siûdî ye û diyar kir ku Ubeyde doh bi şev li apartmaneke li bajarê Xezeyê bû ku bû hedef. Lê belê Hamasê li ser vê îdîayê hîn daxuyaniyeke fermî nedaye.
Hamasê ji aliyê din ve mirina yek ji fermandarên xwe yên payebilind Mohammed Sinwar bi rengekî fermî piştrast kir. Rêxistinê êvara Şemiyê dîmenek weşand û bi wêneyên Sinwar ew ‘şehîd’ ragihand.
Artêşa Îsraîlê (Tshala) û servîsa îstîxbarata navxweyî Shin Bet bi operasyoneke hevpar di nava meha Gulanê de li navenda fermandariyê ya binê erdê ya li binê Nexweşxaneya Avrupayê ya li Xan Yûnisê di serdegirtinê de Sinwar kuştibûn.
Mohammed Sinwar birayê lîderê Hamasê yê li Xezeyê Yahya Sinwar bû. Yahya Sinwar beriya heft mehan di operasyoneke Îsraîlê de hatibû kuştin. Artêşa Îsraîlê mirina Mohammed Sinwar dawiya meha Gulanê ragihandibû, lê belê Hamasê heta îro bi rengekî fermî piştrast nekiribû.
