Li seranserê Iraqê 7 hezar û 769 kesan ji bo bidestxistina 329 kursiyên parlamentoyê xwe weke namzet nîşandane. Di nava vê hejmarê de 15 namzet hene ku di nava hêzên ewlekarî yên Iraqê de cih digirin û xwedî wezîfeyên leşkerîne. Ji 15 kesan yek ji wan jî Kurd e û yên din hemû bi eslê xwe Ereb in.
12 ji van kesan li Bexdayê bûne namzet, yên din jî li Kerkûk, Besra û Dîwaniye xwe weke namzet nîşandane.
Namzet jî ji lîsteyên Dewleta Yasa, Tevgera Sadiqûn, Hevpeymana Siyade, Hevpeymana Bunyad, Perepêdan, Ezim, Abişir ya Iraq, YNK, Hevpeymana Xizmet, Hevpeymana Binaxe ya Iraq û Hesim Wetenî ne.
Li gorî berga 9 ya madeya 2 ya yasaya rêxistin û piştrastkirina lîsteya namzetan a hejmara 3 ya sala 2025’an, kesên di nava saziyên ewlekarî, hêzên leşkerî, encûmen û dadweran de nikarin di dema xizmetê de xwe weke namzet nîşan bidin. Yanî ev kes tenê dikarin di dema teqawîdbûnê de xwe bikin namzet.
Lê berovajiyê biryara Komîsyona Hilbijartina Iraqê, 15 kesên ku xwedî wezîfeyên leşkerîne, xwe ji bo hilbijartina Parlamentoya Iraqê ya ku tê payîn di 11’ê Mijdarê de pêk bê, weke namzet nîşan dane.
