– Pêşveçûnên ku piştî banga 27’ê Sibatê ya Rêber Apo û biryara gerîla ya vekişîna ji Tirkiyeyê ber bi Herêmên Parastinê yên Medyayê dê bên şopandin.
– Gerîlaya YJA Starê Nûda Arîn a ku beşdarî banga dîrokî ya duh bû, destnîşan kir ku ew ji bo Projeya Civaka Demokratîk û Aşitî ya Rêber Apo li qadê ne û pêşengiyê ji civakê re dikin. Gerîlayê HPG’ê Kendal Mîtra jî got, “Em vê gavê stratejik dibînin; azadiya Rêber Apo ji bo me armanca herî girîng e.”
– Fermendara Giştî a Yekîneyên Antî Teror Destîna Kobanê diyarkir ku rola Yekîneyên Antî Terorê di têkbirina DAÎŞ’ê de sereke ye, herwiha tekez kir ku weke YAT wê li hember her cûre êrîş bisekinin û ji bo parastina tevahî xaka Sûriyeyê amade ne.
– Hevberdevka Înîsiyatîfa Yekîtiya Demokratîk Gulcan Kaçmaz diyar kir ku taybetmendiya bingehîn a înîsiyatîfê pirengî ye û di bin vê sîwanê de gelek gel û komên baweriyan têne temsîlkirin û got, “Dema em dibêjin yekîtiya neteweyî, ne tenê Kurdan qesta hemû gelan dikin.”
– Ji bo azadiya Rêber Apo û çareseriya pirsgirêka Kurd wê li Londonê meşekî girseyî bê lidarxistin. Komîsyona amadekariyê bang li hemû gel û derdorên demokratîk kir ku tevlî meşa ku di 2’ê Mijdarê de bê lidarxistin, bibin.
– Yek ji fermandarên YJA Starê Berfîn Denîz Gabar diyar kir ku Bêrîtan pêşenga artêşbûna jinê ye û mîrateya wê îro jî di bingeha têkoşînê de dijî. Hasret Dilgêş Amed jî got, “Em ê têkoşîna wê bigihînin serkeftinê.”
– Cîgira Hevseroka KNK’ê Nûrê Alkiş bang li hemû gelên Kurdistanê kir û got, “Di 8’ê Mijdarê de em li Kolnê dengê xwe bilind bikin, ji bo ku bi hev re azadiya fîzîkî ya Rêber Apo biqîrin, em mil bi mil bimeşin.”
