RSF’ê di rapora xwe ya li ser pêvajoya navbera 1’ê Kanûna 2024 û 1’ê Kanûna 2025’an de diyar kir ku rojnamevan ji ber kiryar û sûcên hêzên çekdar ên bi rêk û pêk an jî ne bi rêk û pêk hatin kuştin. Rêxistinê got, “Rojnamevan namirin, têne kuştin.”
503 ROJNAMEVAN GIRTÎ NE, 135 WINDA NE
Li gorî raporê li seranserê cîhanê li 47 welatan 503 rojnamevan girtî ne.
Welatên ku herî zêde rojnamevan lê girtî ne: Çîn 121, Rûsya: 48, Myanmar: 47.
RSF’ê têkildarî rojnamevanên girtî yên li Tirkiyeyê ragihand ku berevajî îdîayan ku dibêjin bi dehan rojnamevan girtî ne, li girtîgehên Tirkiyeyê tenê 3 rojnamevan girtî ne.
Her wiha 135 rojnamevan winda ne, hin ji wan 30 sal in nayên dîtin. 20 rojnamevan jî li Sûriye û Yemenê dîl têne girtin.
HERÊMA HERÎ KUJER: XEZE
RSF’ê diyar kir ku di nava 12 mehênd awî de li Xezeyê herî kêm 29 xebatkarên medyayê hatin kuştin ku li ser erka xwe bûn.
Tê gotin, ji 7’ê Cotmeha 2023’an û vir ve rojnamevanên ne li ser kar jî di nav de herî kêm 220 xebatkarên medyayê hatin kuştin.
‘ARTÊŞA ÎSRAÎLÊ DIJMINÊ HERÎ MEZIN Ê ROJNAMEVANAN E’
Rêxistinê bi bîr xist ku nûçegihanê El Cezîreyê Anas el Şerîf bi zanebûn hate kuştin û destnîşan kir ku Îsraîl “Bi zanebûn rojnamevanan dikuje.” RSF’ê artêşa ÎsraîLê weke dijminê herî mezin ê rojnamevanan pênase kir. Lê Îsraîl îdîa dike ku êrişên wê li hemberî Hamasê ne.
HERÊMÊN DIN ÊN KUJER: MEKSÎKA, ÛKRAYNA Û SÛDAN
RSF’ê ragihand ku li Meksîkayê 9 rojnamevan hatin kuştin, ku piraniya wan rojnamevanan nûçe li ser rêxistinên sûc ên herêmî û têkiliya siyaset-mafyayê amade dikirin.
Hate ragihandin ku li Ûkraynayê 3, li Sûdanê jî 4 rojnamevan hatin kuştin. Saziyên cuda di vê der barê de hejmarên cuda didin.
LI GORÎ UNESCOY’Ê DI SALA 2025’AN DE 91 ROJNAMEVAN HATIN KUŞTIN
Li gorî UNESCO’yê jî di sala 2025’an de 91 rojnamevan hatin kuştin.
RSF’ê bang li hikumetên cîhanê kir ku ji bo parastina rojnamevanan jinûve bi berpirsyarî rabin.
