Di demeke ku êrîşên çeteyên HTŞ’ê yên hikûmeta demkî ya Şamê ku bi pejirandina hêzên navneteweyî û piştgiriya vekirî ya Tirkiyeyê, li ser Rojava berdewam dikin, hevgirtina gelê Kurd li her çar beşên Kurdistanê li dijî gefa qirkirinê zêde dibe. Êrîş li gelek bajarên cîhanê bi xwepêşandanan hate protestokirin û ji bo xurtkitina hevgirtinê şandeyek ji Hevserokê DEM Partiyê, Hevserokê DBP’ê, nûnerên baro û rêxistinên civaka sivîl û parlamenteran pêk dihat, çûn Rojava.
Parlamenterê Mersînê Elî Bozan di nava şandeyê de cih girt derbarê êrîşan de ji ANF’ê re axivî.
‘ARMANC LI CIH LÊKOLÎNÊ BIKIN Û HEVGIRTINÊ XURT BIKIN’
Bozan diyar kir ku armanca serdana Rojava li qadê lêkolînê bikin, bi aktorên siyasî yên herêmê re rasterast têkiliyê deynin û xurtkirina hevgirtinê bi gelê Rojava re ye û got ku wan li qadê dîmeneke xurt a berxwedana civakî dîtiye.
Bozan wiha axivî: “Jjin, zarok û kal û pîr, Her kes li kolanan e. Kolan bi posterên Rêberê Gelê Kurd Abdullah Ocalan, wêneyên birêz Mesûd Barzanî û Mam Celal, birêz Bafil Talabanî, rengên neteweyî yên Kurd, alên YPG û YPJ û wêneyên rêberên din ên Kurdan tijî ne û ev jî hevgirtin û îradeyek mezin a berxwedanê nîşan dide. Ev dîmen nîşan dide ku gelê Kurd bi hişmendiya neteweyî û helwestek hevpar li dijî êrîşên li ser Rojava tevdigere; ev yek li her kolanê dihat dîtin.”
LI SÎMELKA ATMOSFERA ‘BIJÎ BERXWEDANA ROJAVA’
Bozan diyar kir ku li Deriyê Sînor ê Sîmelkayê rastî heman atmosferê hatin û ragihand ku ciwan û xelkê Başûrê Kurdistanê bi dirûşmeya “Bijî berxwedana Rojava” amadekariyên derbasbûna Rojava dikirin. Bozan got, “Ew hemû ciwanên Başûrê Kurdistanê bûn. Ev nîşaneya herî berbiçav a yekîtiya neteweyî û xwedîderketina li berxwedana Rojava ye.”
RUHÊ BERXWEDANÊ Û JIYANA ROJANE BI HEV RE BERDEWAM DIKE
Bozan diyar kir ku li hemû bajarên ku serdana wan kirine, ruhekî berxwedanê yê xurt sli pêş bû û destnîşan kir ku gel bi moral û motîvasyoneke mezin amadekariyên xwe yên ji bo parastina rewa didomîne, di heman demê de jiyana rojane û hilberîn berdewam dike. Bozan wiha pê de çû: “Li hemû deverên Rojava rastiya gelekî ku tevî hemû zehmetiyan jî nirx û mafên xwe biparêze tê dîtin.”
‘ROJAVA DI BIN DORPÊÇÊ DE YE, LÊ RUHÊ KOBANÊ DIJÎ’
Bozan bi bîr xist ku Rojava ji her alî ve ji aliyê çeteyên HTŞ, SMO û DAÎŞ’ê ve hatiye dorpêçkirin û diyar kir ku tevî pevçûnên li gelek deveran, ruhê berxwedana Kobanê ya 2014’an îro jî bi şêweyê parastina jiyan, hilberîn û destkeftiyan tê birêxistinkirin.
Bozan anî ziman ku li herêmê modelek ku hemû bawerî û nasnameyên etnîkî yên cûda dikarin li ser bingeha ramana neteweyek demokratîk bi hev re bijîn hatiye avakirin.
“ÊRÎŞ NE TESADÛF IN, PARÇEYEK SIYASETA TASAFKIRINÊ NE”
Bozan destnîşan kir ku bi taybetî di demên dawî de, armanc dikin ku bi êrîşên li ser destkeftiyên Kurdan têgihîştin û krîmînalîzekirinê biafirînin, digel êrîşên fîzîkî, armanc dikin ku di navbera nasnameyên cûda yên li herêmê dijîn de pevçûnê biafirînin û hewl tê dayîn ku zimanek hişmend û berfireh di bersivê de were avakirin. Bozan wiha got, ”Sedema ku Rojava çima hedef tê girtin bi zelalî tê fêmkirin. Ev êrîş û propagandayên reşkirinê ne tesadufî ne. Êrîşên îro yên li ser Rojava parçeyek ji siyaseteke berfireh in ku hewl dide destketiyên gelê Kurd tasfiye bike ye. Bêdengiya navneteweyî û piştgiriya Tirkiyeyê van êrîşan teşwîq dike. Lê tabloya ku li Rojava derdikeve holê li hemberî vê polîtîkayê radeyeke xurt a gel nîşan dide.”
‘LI DIJÎ GEFÊN QIRKIRINÊ XETA HIŞMENDÎ Û TÊKOŞÎNÊ’
Bozan anî ziman ku gelê Kurd li dora Rojava bûye xelek û diyar kir ku berxwedana Rojava hêzê dide parçeyên din ên Kurdistanê û got:
“Berxwedana li Rojava hêzê dide Kurdên li parçeyên din ên Kurdistanê û hevgirtina ku ji parçeyên din mezin dibe li benda berxwedana Rojava ye. Rewşa îro -derktiye holê ew e ku li dijî gefên qirkirinê xeta hişmendî û têkoşîna hevpar hatiye avakirin.”
