Seferberiya ji bo Rojavayê Kurdistanê dewam dike, xelkê Başûr bi rojane ji bo berxwedana Rojava li ser piyane. Div ê çarçoveyê de li gundê Sêweys ya ser bi Binarê Qendîlê, bi tevlîbûna dehan kesan çalakiyek hate lidarxistin û êrişên li ser Rojava hatin şermezarkirin.
Di çalakiyê de ewil bê navber dirûşmeyên dilsoziya bi Rojava re hatin berzkirin. Piştî wê li ser navê xelkê Binarê Qendîlê daxuyaniyek ji aliyê mamosta Şiwane Bayiz ve hate xwendin.
Di daxuyaniyê de ewil êrişên hovane yên li ser Rojavayê Kurdistanê, taybet jî êrişên li ser jin û zarokan hate şermezarkirin û wiha hate gotin; “Em weke xelkê Binarê Qendîlê îro ji bo Rojavayê Kurdistanê dikîn hewar û em bi ruhê xwe ve piştgiriya wan dikin. Kurdan ti carî şer nexwestiye, lê dîrokê ispat kir ku cîranên me her tim derewan li me dikin û hertim xencera xiyanetê li pişta Kurdan didin. Lewma em fêr bûne, ji bilî îrade û çiyayên me, ti dostek Kurdan nîne.”
Piştî daxuyaniyê welatiyan mafên axaftinê wergirtin û nerazîbûnên xwe anîn ser ziman. Welatiyan ragihandin ku bila dagirker baş bizanin, zarokên Qendîlê ti carî netirsiyane û natirsin.
Çalakî bi dirûşmeyan dawî bû.
