Ji fermandarên YPJ’ê Raya Mihemed a ku ji eşîra Dêrazor û Begara ye, di axaftina xwe ya ajansa ANHA de got ku hêzên li bajarê Hesekê bi temamî amade ne ku li hemberî her gefa ewlehî û aramiya bajar û gelê wê bisekinin.
Raya Mihemed diyar kir ku hêz bi taybetî li eniya pêşîn, bi taybetî li derdora Çarxerêya Panorama bi cih bûne. Û bal kişand ser vê yekê ku rewşa sivîlan bi saye fedakarîyên şervanan aram e û wiha got: “Em bi temamî amade ne ku xwe û gelê xwe biparêzin.”
Raya Mihemed li hemberî hewldanên fitneyê ya ku dixwazin di navbera Kurd û Ereban derxin de hişyarî da û got ku ev plan dixwaze xwîşk û biratiya gelan hilweşîne û li dijî gelên herêmê komkujiyan bike, lê hişmendiya gelê herêmê û yekîtiya pêkhateyan dikare van hewldanan têk bibe.
Fermandar Raya Mihemed ragihand ku ji bo parastina Hesekê û derdora wê hemû hêz û pêkhate di heman cepheyê de ne û dê destûrê nedin ku çete derbas bibin.
Her wiha Raya Mihemed got ku em ê destûrê nedin ku çeteyên DAÎŞ’ê birevin û hemû hewldan dê bi îradeya şervanan û yekîtiya gelan re bên têkbirin.
Di dawiyê de Fermandar Raya Mihemed wiha got: “Terciha me zelal e; an serkeftin an serkeftin.”
