Girtîgeha Eqtanê ya Reqayê ku bi hezaran çeteyên DAÎŞ’ê tê de ne, li hemberî dorpêça giran û êrişên dijwar ên çeteyên HTŞ’ê bi rojan ji aliyê komek ji endamên Hêzên Ewlekariya Hundirîn, QSD, YPG û YPJ’ê ve hate parastin.
Hêzên parastina girtîgeha Eqtanê herî dawî ji bo parastina gelê Kobanê xwe ji Girtîgeha Eqtanê vekişandin û berê xwe dan Kobanê.
Yek ji parêzvanên Girtîgeha Eqtanê endama Hêzên Ewlekariya Hundirîn Dîlan Cûma qala berxwedana li girtîgehê kir û got, “Ez weke şervaneke Hêzên Ewlekariya Hûndirîn silavên xwe ji gelê me re dişînim. Di rojên dawî de li hundirê bajarê Reqayê şer û tevgerên girîng hebûn. Min jî wek şervaneke ewlekariya girtîgeha Eqtanê de cihê xwe digirt. Di vê girtîgehê de bi hezaran çeteyên DAÎŞ’ê hene. Hemû êrîşên Hikûmeta Demkî hatin şikandin. HTŞ her cure êrîş li ser girtîgeha Eqtanê pêk anî, lê me bi her awayî ev êrîş têk şikandin. “
Dîlan Cûma diyar kir ku rojên dawî xetereiyeke mezin çêbû û got, “Komên çete yên HTŞ’ê hewl didan pêşiya vê xeteriyê vekin ku ji bo bi destê DAÎŞ’ê komkujî werin kirin. Lê me bi îradeyekî mezin di hundirê girtîgehê de berxwedana xwe domand.
Di dawiyê de dibêjim: Ev serketin ji bo gelê Rojava û gelê Kurd e.”
