Li navçeya Kelar a herêma Germiyanê ya Başûrê Kurdistanê, li Hewlêr, Silêmaniey û Hacîawayê gel ji bo piştgiriya bi seferberiya li Rojava daket qadan.
Li Hewlêrê gel li Parka Şar li hev civiya û bi dirûşma “Kurdistan yek e, bijî berxwedana Rojava” meşiya. Meşa ku ji bo piştgiriya bi gelê Rojava tê lidarxistin, dewam dike.
Li navçeya Kelarê ya li herêma Germiyanê jî bi hezaran kes li hev kom bûn. Ji zarokan heta bi rewşenbîran, ji hunermendan heta bi oldaran ji gelek beşên civakê tevlîbûn çêbû. Di çalakiyê de işaret bi girîngiya yekîtiyê tê kirin.
Girseya gel a ku li navenda Silêmaniyeyê li hev kom bû hêjayî dîtinê bû. Gel bi dirûşmên Bijî berxwedana Rojava û Şervanan”, “Rojava ne bi tenê ye, deriyê azadiyê ye” meşiya, li gel berfê û sermayê piştgiriya xwe ya ji bo Rojava nîşan da.
