Meclisa Ol û Baweriyan a Bakur û Rojhilatê Sûriyeyê bi daxuyaniyekê fikarên xwe yên zêde li ser pêşdeçûnên xeternak û lez li Sûriyeyê anîn ziman û hişyarî ji bo vegera çeteyên DAIŞˊê di bin sîwana siyasî de da.
Di daxuyaniyê de hişyarî li ser hewldanên tahrîfkirin û berovajîkirina rastiyan bi nîşandana çeteyên DAIŞ’ê yên girtî û malbatên wan wekî “girtiyên nêrînê” hat dayîn, ku ev yek rê li ber vegera wan bo nav saziyên dewletê vedike.
Meclisê fetwayên dûrxistinê yên li dijî hindikahiyên olî û neteweyî ku komkujiyên li dijî wan weke “fetih” û”serkeftinan bi nav kirin şermezar kirin. Di encama van êrişan de Kurdên li taxên Helebê koçber bûn, jiyana hevbeş a ku Rêveberiya Xweseriya Demokratîk zêdetirî 10 salan ava kiriye hatin hedefgirtin.
Di daxuyaniya meclisê de banga belgekirina binpêkirin û komkujiyên ku çeteyên hikumeta demkî dikin weke lîstina bi cenazeyan, qutkirina keziyên jinan piştî qetilkirina wan, serjêkirina dîlgirtiyan û êrişên li dijî goristanan.
Meclisê hikumeta El Şeri bi hewldana vejandina mîrasa DAIŞˊê û dayîna rûberên fireh ji tundrawanan re ku bi serbest tev bigerin tawanbar kir.
Meclisa Ol û Baweriyan ev daxwaz û bang ji civata navneteweyî û rêxistinên hiqûqî û olî kir:
Helwesteke tund li dijî ketina bîrdoziya tundraw li nav sazûmaniya nû ya rêveberiya Sûriyeyê nîşan bidin.
Naskirina siyasetên hikumeta demkî wekî dirêjkirina fikra “terorîst” e û pêwîstiya rawestandina wan a demildest.
Parastina azadiyên olî û modela jiyana hevbeş wekî garantiya pirrengiyê.
Pêşîlêgirtina li vezîvirandina terorîstan di bin navê “girtiyên siyasî” de û misogerkirina hesabdayîna wan.
Zextkirina ji bo bicihkirina mafên hemû pêkhateyên civaka Sûriyeyê di destûra nû ya Sûriyeyê de.
