Heyeta ku di 21’ê Rêbendanê de ji bo piştgiriya li dijî êrişên dagirkeriyê yên HTŞ-DAIŞ û komên girêdayî Tirkiyeyê derbasî Rojava bibû, piştî xebatên xwe vegeriya Tirkiyeyê. Heyeta ku Hevserokên Giştî yên Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) jî tê de bûn, di ser Deriyê Sînor ê Xabûrê re derbas bû.
Heyetê piştî hevdîtinên xwe yên bi rayedarên PYD, Kongra Star, Meclîsa Yekitiya Kurdistanê û Rêveberiya Xweser a Demokratîk a Bakur û Rojhilatê Sûriyeyê re, îro vegeriya.
Di şandeyê de ev kes hebûn:
Hevseroka Giştî ya DEM Partiyê Tulay Hatimogulları, Hevserokê Giştî yê DBP’ê Keskin Bayındır, Parlamentera Wanê û Berdevka Înisiyatîfa Yekitiya Demokratîk Gülcan Kaçmaz Sayyigit, Parlamenterê Mersînê Ali Bozan, Parlamentera Stenbolê û Berdevka SODAP’ê Kezban Konukçu, ji Înisiyatîfa Yekitiya Demokratîk İmam Taşçıer, Berdevka TJA’yê Çimen Fidan, rêveberê OHD’ê Mehmet Ali Aslan, Serokê Baroya Mêrdînê Ahmet Duyan, Endamê Rêveberiya Baroya Mêrdînê Tahir Dundar, Serokê Baroya Amedê Abdulkadir Guleç, ji Baroya Amedê Baver Mızrak û Eyyup Aydeniz, Dayika Aştiyê Asya Tay û Endamê Kongreya Îslama Demokratîk Ali Angay.
