Şêniyên gundên Til Cemal û Sêgira yên bajarê Girkê Legê yê kantona Cizîrê bi çêkirina xwarinê û gihandina ji keç û xortên xwe yên li eniyên şer re piştevaniyê dikin.
Şêniyan da zanîn ku ev gav nîşana sekna wan li kêlek hêzên xwe û dilsoziya bi wan re ye. Şêniyan got ew ê di her warî de çi manewî û civakî piştevaniyê bidin şervanên xwe.
Yek ji amadekarên xwarinê Şêrîn Fetah got: “Erka me ya îro hevgirtin û piştevaniya hêzên xwe, keç û xortên xwe yên li eniyan e. Ew parastina me tevan dikin.”
Şêrîn anî ziman ku ev tiştê herî hindik e ku ew dikarin pêşkêş bikin û ew ê heta pêkanîna ewlehî û aramiyê piştevaniya hêzên xwe bikin.
