Hiqûqnasê Silêmaniyê li ber derê Dadgeha Silêmaniyê kom bûn û bi daxuyaniyekê bang li raya giştî ya cîhanê kirin ku piştgiriyê bidin Rojavayê Kurdistanê.
Di çarçoveya piştgiriya ji bo Rojavayê Kurdistanê de, komek dadwer, parêzer, hiqûqnas û xwendevanên beşa hiqûqê, li ber derê Dadgeha Silêmaniyê kombûn û daxuyaniyek çapemeniyê dan.
Metna daxuyaniyê ji aliyê Tiwana Dilşad ve hate xwendin û ev tişt hate gotin: “Em wek hiqûqnas, em balê dikşînin ser krîza mirovî û ya hiqûqî ya li Rojava. Rexmê ku Kurdan li dijî terorê têkoşiyan niha di bin êrişên leşkerî de ne. Li gorî Peymana Cenevreyê ya 1949’an hatiye diyarkirin ku divê sivîl bên parastin û êrişa li dijî sivîlan hatiye qedexekirin. Herwiha di Peymana Mafê Sivîl û Siyasî ya Navneteweyî ya sala 1966’an de mafê parastina jiyana sivîlan hatiye misogerkirin.”
Herwiha di daxuyaniyê de ji bo vekirina korîdora alîkariya mirovî ya ji bo Rojava bangî Neteweyên Yekbûyî (NY) û raya cîhanê hate kirin.
