Encûmena Niştîmanî ya Kurdî li Sûriyê (ENKS) komkujiyên li gundê Xirab Hişkê yê Kobanê yên li dijî malbata Reşo Bozan Gedro û malbata Mistefa Osman Kiço ku dostên Partiya Demokrata Kurdistan-Sûriyê ne, şermezar kirin.
Di daxuyaniyê de hat diyar kirin ku piştî ragihandina agirbestê av sûc û komkujî pêk hatin, di encamê de 10 sivîl ji malbatekê ku piranî jin û zarok in, şehîd bûn. Ev binpêkirina zelal a tevahî nirxên mirovî, qanûn û mîsaqên navneteweyî ye.
Ev sûc binpêkirina zelal a agirbestê ye û diyar kir ku siyaseta hedefgirtina sivîlan berdewam dike û gefan li hewldanên cidî yên aramiyê û ewlehiya herêmê dixwin.
ENKSˊê bang li Dewletên Yekbûyî yên Amerîkayê (DYA) û Koalîsyona Navneteweyî kir ku berpirsiyariyên xwe yên exlaqî û siyasî rabin, xebateke cidî a tesbîtkirina agirbestê bikin, tedbîrên aktîf ên parastina sivîlan pêk bînin û sînorekê ji van sûcên dubare re deynin.
ENKSˊê banga lêpirsîna vê êrişê, destnîşankirina berpirsên wê, hesabdayîna sûcdaran kir.
ENKSˊê di dawiya daxuyaniya xwe de diyar kir ku parastina sivîlan ji xebatên pêşîn in, divê nebin qurbanên şer û rêkeftinên siyasî.
