Şaredariya Gel a bajarê QamIşlo salvegera 12’emîn êrişa ku 11’ê Adara 2014’an ku li dijî Şaredariya bajarê qamişlo pêk hatî û 8 endamên Şaredariyê şehîd û 2 ji wan mêvan bûn.
Merasîma bîranîna şehîdan li Goristana Şehîd Delîl Saruxan bi hevkariya Meclîsa Malbatên Şehîdan bi amadebûna malbatên şehîdên komkujiyê û karmendên Şaredariya Gel û her wiha nûnerên saziyên Rêveberiya Xweser, hate lidarxistin.
Hevserokê Şaredariya Gel a bajarê Qamişlo Stêfo Mesûd axivî û diyar kir ku armanca êrişê bêdengkirina dengê rastiyê, astengkirina karê şaredariyan û sînordarkirina pêşketina saziyên Rêveberiya Xweser bû. Xebatkarên di van saziyan de piştrast kirin ku ew xwediyên maf û dozekê ne.
Ji aliyê xwe ve, rêveberekî Meclîsa Malbatên Şehîdan Mihyedîn Hesen axivî û destnîşan kir ku armancgirtina şaredariyê hewldanek ji bo şikandina îradeya gel bû.
Mihyedîn Hesen her wiha anî ziman ku gelê me berevajî vê yekê îspat kir û qurbaniyên mezin dan, bi hezaran kurên wan şehîd bûn û tu kes ji wan dudilî nekir ku canê xwe ji bo welat bide.
Mihyedîn destnîşan kir ku meha Adarê meha berxwedan û têkoşînê ye, di heman demê de meha qurbaniyan e, ji ber ku di vê mehê de gelê Kurd rastî gelek komkujiyan hatiye. Qonaxa ku herêm tê re derbas dibe, li hember komployên li dijî gel têne kirin hişyariyek mezintir dixwaze, her wiha bang li her kesî kir ku piştgiriyê bidin şervanên xwe.
Di dawiya merasîma bîranînê de, beşdaran piştrast kirin ku şehîdên komkujiya Şaredariya Gel wê di bîra şêniyên Qamişlo de bimînin, wê ev yek bibe sedem ku karê xwe yê avakirin û xizmetkirina civakê berdewam bikin.
Merasîma bîranînê bi deqeyek bêdeng ji bo şehîdan dest pê kir, piştre gulên li ser gorên şehîdan hatin danîn.
