Li navçeya Malî Bamakoyê, di navbera artêşê û milîtanên JNIM a ser bi El Qaîdeyê de şerekî giran qewimî. Piştî êrişên li herêmên cuda yên welêt belav bûn, rewşa ewlekariyê bi rengekî cidî hejiya.
Li gorî çavkaniyên xwecihî, hate îdîakirin ku piştî êrişan Wezîrê Parastinê yê Maliyê Sadio Camara û hin kesên ji malbata wî jiyana xwe ji dest dan. Lê belê ev agahî bi rengekî fermî nehate piştrastkirin.
Di daxuyaniya JNIM’ê de hate gotin, avahiya serokkomariyê, wezareta parastinê û balafirgeha navneteweyî jî di nav de êriş li ser gelek nuqteyên stratejîk hate kirin. Hate gotin êriş bi rengekî koordîneyî ya bi Eniya Rizgariya Azawad ve hateiy kirin ku têkoşîna serxwebûnê dide.
Koma cîhadîst operasyon “serketî” pênase kir û îdîa kir ku ev yek di encama plansazî û hevkariyeke demdirêj hatiye kirin.
Li gorî pisporan, êriş yek ji çalakiyên herî cidî yên salên dawî yên li dijî rêveberiya leşkerî ya Malî hatiye kirin.
JNIM a ku sala 2017’an ava bû û ji aliyê Iyad Ag Ghaly ve tê birêvebirin, li herêma Sahelê yek ji komên herî bi bandor ê çekdar e. Neteweyên Yekbûyî jî weke yek ji gefên herî mezin ê ewlekariyê yê li ser herêmê tê pênasekirin.
