Piştî êrişa çekdarî ya ku di galaya nûçegihanên Qesra Spî ya li DYA’yê de pêk hat, li ser medyaya dîjîtal gelek teoriyên komployê bi lez belav bûn. Piştî bûyerê di demeke kurt de, bi taybetî li ser X, Facebook û TikTokê îdiayên ku êriş mîzansen e, derketin pêş.
Gelek parvekirinên ku îdia dikirin êrişa di çalakiya ku Donald Trump jî lê amade bû, bi mebesta dûrxistina balê ji rojevên din hatine karkirin, bi sed hezaran caran hatin belavkirin.
Hinek hesaban jî bêyî ku tu belgeyan nîşan bidin, naverokên ku aktorên cuda sûcdar dikin parve kirin. Hat îdiakirin ku hinek dezgehên medyayê yên wekî RT’yê jî piştgirî dane belavbûna van îdiayan.
Hat diyarkirin ku îdiayên derbarê kuştina êrişker a li cihê bûyerê ne rast in; hat eşkere kirin ku gumanbar sax hatiye girtin û ev yek bi dîmenan hat piştrastkirin. Lê belê hat dîtin ku parvekirinên rastkirinê, bi qasî teoriyên komployê negihîştine girseyên berfireh. Pispor balê dikişînin ser wê yekê ku ev celeb naverokên li ser medyaya dîjîtal, piraniya caran bi dîmenên manîpulekirî û agahiyên ne piştrastkirî têne piştgirîkirin.
