Li navçeya Kuçukçekmece ya Stenbolê, li avahiyeke duqatî ya ku di çarçoveya veguherîna bajarî de dihate hilweşandin, beşek jê hilweşiya. Ji 3 karkerên di binê blokên beton de man yekî jiyana xwe ji dest dan, 2 karker jî birîndar bûn.
Li Agiriyê, Tûnahan Kaya yê 16 salî li înşaeta lê dixebitî ji bilindahiyê ket û jiyana xwe ji dest da. Cezayê Kaya ji bo otopsiyê rakirin nexweşxaneyê.
Li navçeya Orhangazî ya Bûrsayê, Osman Koç ê 53 salî ku li înşaeta çîftlikê dixebitî ji bilindahiya 3 metreyî ket ser beton û bi giranî birîndar bû. Koç li nexweşxaneyê jiyana xwe ji dest dan.
Li navçeya Darica ya Kocaeliyê karker Mûstafa Karatepe ji bilindahiya 4 metreyî kete xwarê û jiyana xwe ji dest da.
