Li gundê Aşmê yê Kobanê hin kesan hewl da tevliheviyê di navbera Kurd û Ereban de derxin. Hêzên Ewlekariya Hundirîn mudaxele kir û nehişt rewş aloztir bibe.
Piştî bûyerê gelek agahî û idîayên cuda li ser medyaya dîjîtal hatin parvekirin. Bi van îdia û agahiyan hewl dan rûdanan berevajî bikin û tevliheviyê di navbera şêniyan de derxin.
Li gorî agahiyan, rewşa gund aram e. Hewldanên aliyên têkildar ên parastina aştiya navxweyî û rêgirtina li ber fitne û nakokiyan di navbera pêkhateyan de, dewam dikin.
