23’yemîn Mihrîcana Çand û Xwezayê ya Munzûrê ku bi dirûşmeya “Dersim jiyan e; dest nede xweza, îrade, ziman û baweriya min” tê lidarxistin, bi coş dest pê kir. Roja yekem a mihrîcanê bi konsera li Parka Mamekî bi dawî bû. Parlamentera DEM Partiyê Ayten Kordu, hevşaredarên Dersimê yên ku erka wan hatine desteserkirin, nûnerên partiyên siyasî, rêxistinên civaka sivîl û bi hezaran kes beşdarî mîhrîcanê bûn.
BERTEK NÎŞANÎ WÊRANKIRINA XWEZAYÊ Û ASÎMÎLASYONÊ DAN
Serokê Federasyona Komeleyên Elewiyên Dersimê (DEDEF) Alî Riza Bîlîr di vekirina mihrcanê de axivî û diyar kir ku ew ê bi biryardarî li dijî wêrankirina xwezayê û asîmîlasyona çandî derkevin û got: “Hewl didin ku axa me bi siyanûrê jehrî bikin. Em neçarin ku vê mihrîcanê li dar bixin.”
BANGA TÊKOŞÎNA HEVPAR HATE KIRIN
Nûnerên Partiya Sosyalîst a Bindestan (ESP) û Federasyona Meclisên Sosyalîst (SMF) bal kişandin ser polîtîkayên xweza û ciwanan û sepanên qeyûman. Endamê SMF’ê Ozkan Tacer banga têkoşîneke hevbeş a ji bo avakirina komara demokratîk kir û xwest ku mafên gelê Kurd û Elewiyan di destûra bingehîn de bên mosogerkirin.
DIRÛŞMEYÊN ‘BIJÎ SEROK APO’ LI QADÊ OLAN DA
Di axaftinan de timî dirûşmeyên “Bijî Serok Apo”, “Bê Serok jiyan nabe” û “Em ê bi berxwedanê bi ser bikevin” hatin berzkirin. Parlamentera DEM Partiyê Ayten Kordu jî Rêber Apo ya 27’ê Sibatê bi bîr xist û got: “Gel wê bi hev re aştî û demokrasiyê bînin vî welatî.”
ŞEV BI GOVEND Û STRANAN BI DAWÎ BIBE
Mihrîcan bi stranên hunermend Kadîr Çat, Mizgîn Turan, Dîlan Top, Erdogan Emîr û Beser Şahîn berdewam kir. Beşdaran bi gerandina govendê şeva xwe derbas kirin.
