Li gorî daxuyaniyê, li gel tespîtkirina nasnameya cenazeyên nû ên di van rojên dawîn de bîlanço bilind bûye.
Şer û pevçûnan di 13’ê Tîrmehê de li gel êrîşa Bedewiyên Sunî ya li dijî gelê Durzî dest pê kiribûn ku Şam piştgiriyê dide hêzên Bedewî.
Piştre hêzên girêdayî hikûmeta HTŞ’ê, çeteyên di bin kontrola dewleta Tirk de ên ji herêmên din, çeteyên DAÎŞ’ê û endamên eşîran êrîşî Durziyan kirin.
Tevî ku di 20’ê Tîrmehê de agirbest hate îlankirin jî piştre jî gelek kesan jiyana xwe ji dest da.
Li gorî daneyên SOHR’ê 725 kesên ku jiyana xwe ji dest dane niştecihên Suwêdayê ne û ji van 167 kes sivîl bûne.
Her wiha hate ragihandin ku 765 sivîlên Durzî ji aliyê hêzên girêdayî wezaretên parastin û karên hundirîn ve ‘’bêyî daraz hatine înfazkirin.’’
Li gorî SOHR’ê di şer û pevçûnan de ‘’436 leşkerên hikûmetê’’, ‘’40 şervanên Bedewiyên Sunî’’ û hin sivîlan jî jiyana xwe ji dest dane.
Li gel van yekan Îsraîlê jî mudaxeleyî herêmê kir, hêzên hikûmetê kirin hedefa xwe di encama van Îsraîlê de herî kêm 15 leşkerên Şamê hatine kuştin.
Hêjayî bibîrxistinê ye ku rêveberiya Tel Avivê dabû zanîn ku armanca êrîşên wan ‘’parastina Durziyan û bêçekkirina herêmê ye.’’
