Dewleta Îranê li hemberî jinên ku ji bo azadiyê têdikoşin polîtîkayên darvekirinê xistiye dewrê. Piştî biryarên darvekirinê yên li aktîvîstên jin Pexşan Ezîzî, Werîşe Mûradî hate birîn, cezayê darvekirinê li Şerîfe Mûhammedî hate birîn ku ji ber beşdariya li çalakiyên şermezarkirina qetilkirina Jîna Emînî hate girtin. Biryara darvekirinê di Cotmeha 2024’an de hate betalkirin, lê belê çend roj berê careke din hate erêkirin.
Înîsiyatîfa Yekîtiya Neteweyî ya Jinên Kurd a li Ewropayê ragihand ku Şerîfe Mûhammedî li hemberî dijminê jinan û hêzên faşîst sembola têkoşîn û azadiyê ye, lewma cezayê darvekirinê şermezar kir û diyar kir ku wê van kiryaran ti carî qebûl nekin.
Înîsiyatîfê her wiha li ber cezayê darvekirinê rabû ku li Werîşe Mûradî û Pexşan Ezîzî hatiye birîn û bang li dewleta Îranê kir ku van biryaran betal bike.
Înîsiyatîfa Yekîtiya Neteweyî ya Jinên Kurd a Ewropayê bang li saziyên mafên mirovan kir ku li hemberî van kiryarên faşîst ên li dijî mafên jinan bêdeng nemînin.
