Êrişên çeteyên dewleta Tirk, DAÎŞ û HTŞ’ê yên li ser Rojavayê Kurdistanê dewam dikin. Li hemberî vê yekê jî ji çar aliyên Kurdistanê tevlîbûna li seferberiya giştî dewam dike.
Ciwanên ji Bakurê Kurdistanê yên tevlî seferberiya giştî bûne, bang li ciwanên Kurdistanê hemûyan kirin ku beşdarî berxwedanê bibin.
Ciwanên Bakurî yên li eniya Hesekê gotin, “Em gelê xwe yê li çar parçeyên Kurdistanê silav dikin. Ji vê derê em bi taybetî bang li ciwanên li Bakur dikin. Li ser banga seferberiyê beriya çend rojan em derbasî Rojava bûn. Êriş li ser Rojava hene. Di serî de Bakur em bang li ciwan û gelê xwe dikin ku guh bidin banga gelê Rojava. Divê em rûmeta xwe biparêzin. Ev şoreş bi berdêlên mezin hate bidestxistin û wê bi berdêlan ava bibe. Ji bilî berxwedanê rêyeke din ji bo me nîne.
Em niha li Hesekê ne û hêzên dijber nekarîn bi gaveke bi tenê jî bi pêş ve biçin. Divê her kes zanibe ku gelê Rojava bi tenê nîne. Gelê Kurdistanê hemû li pişt Rojava ye. Hebûna Rojava tê wateya hebûna Kurdistanê. divê her ciwanên me vê rastiyê bibîne û bi berpirsyariyê rabe.”
