Di çarçoveya ‘Seferberiyê’ de ku Rêveberiya Xweseriya Demokratîk a Bakur û Rojhilatê Sûriyeyê li dijî êrişên çeteyên dewleta Tirk, DAÎŞ û HTŞ’ê ragihand, ji herêmên cuda ciwan berê xwe didin Rojavayê Kurdistanê.
Ciwanên ji Rojhilat û Başûrê Kurdistanê yên bersiv dan seferberiyê, bi şervanên azadiyê re li eniyê ne.
Ciwanên ji Başûr û Rojhilat ên li eniya Girkê Legê peyamek weşandin û gotin, “Weke ciwanên ji Başûr û Rojhilat, ji bo parastina ax û welatê xwe em hatin Rojava. Ji bo me sînor nîne. Em amade ne biçin her cihê ku pêwîstiya gelê me bi parastinê heye. Em bi dilekî mezin û biryardarî tevlî eniyê bûn. Bijî Rojava, bijî parastin.”
