Li gorî daxuyaniya Muxafizên Şoreşê, di operasyonê de 13 kes hatin kuştin, gelek kes hatin binçavkirin û gelek çek û cebilxane hatin bidestxistin. Operasyon û şer li bajarên Îranşehr, Haş û Seravanê hatin kirin.
Ji ber ku dewleta Îranê her kesên ku daxwaza mafên demokratîk dikin û muxalefetê weke ‘terorîst’ pênase dike, li ser rengê rasteqîn ê operasyonê agahî bi dest neketin. Li ser nasnameya kesên bûn hedefa êrîşê jî agahî bi dest neketin.
Sistan-Belucistan yek ji herêmên herî xizan ên Îranê ye ku li ser sînorê Efganistan û Pakistanê ye û di navbera hêzên ewlekariyê, raperînerên Beluc, komên Sûnî yên radîkal û bazirganên narkotîkê timî şer li wê herêmê diqewime.
