Navenda Çavdêriya Mafên Mirovan a Sûriyeyê (SOHR) da zanîn ku li nuqteyeke leşkerî ya “Firqeya 86’an” a hêzên hikumeta veguhêz a Sûriyeyê ya li bajarê Bokemalê ya rojhilatê Dêrazorê 2 teqîn çêbûn.
Li gorî agahiyan, kesên nenas bombeyeke destan avêt nuqteya hêzên hikumeta veguhêz a li nêzî dibistana El Erî ya li kolana Ersad a li Bokemalê. Piştre dewriyeyekê dema hewl dide bi ser êrîşkaran de bigirin, mayîna ku li ser motorsiklêtê hatibû bicihkirin, teqiya û birîndar çêbûn.
Bajarê Bokemalê yek ji wan deveran e ku herî zêde êrişên çekdarên nenas li dijî hêzên hikumeta veguhêz a Sûriyeyê tên kirin.
