Harriet Fraad destnîşan kir ku gelê Kurd jî weke hemû mirovan xwedî mafê jiyaneke aştiyane ye û got, “Yekane daxwaza ku tê kirin, dilnizmiyeke mirovî ya bingehîn e û ev yek daxwazeke ‘radîkal’ nîne. Bi navê mirovahiyê rûmeta Kurdan nas bikin.”
KÎ YE?
Dr. Harriet Fraad sala 1941’ê de ji dayik bû, di sala 1968’an de bû yek ji damezrînerên tevgera Rizgariya Jinê û weke yek ji pêşengên Femînîzma Pêla Duyemîn hate naskirin. Fraad ku hevjîna aborînasê Marksîst Ricard Wolff e, di heman demê de tevkarî li damezrandina înîsiyatîfa Rethinking Marxism kir. Fraad ku hîn jî li New Yorkê ye, bi têkoşîna xwe ya ji bo azadiya jinê û karên xwe yên li ser aştiya civakî tê naskirin.
