Merasîma dewrgirtinê, li navendeke leşkerî ya ewlekariya bilind hate lidarxistin.
Di merasîmê de Sergeneralê Fransî Christophe Hintzy hukimraniya mîsyona NATO’yê ji Korgeneralê Hollandî Lucas Schreurs dewr girt.
Sergeneralê Fransî Christophe Hintzy ji AFP’ê re axivî û got: ‘’Fransa û Iraq di hemû qadan de xwedî hevkariyeke dûr û dirêj in. Ew dewrgirtina hukimraniyê nîşaneya hevkariya me ya li gel dostên me Iraqiyan e.’’
Sergeneral Christophe Hintzy beriya niha jî ji sala 2022’yan heya sala 2024’an nûnerê Fransayê yê Centcoma fermandariya leşkerî ya li Rojhilata Navîn a Dewletên Yekbûyî yên Emerîkayê (DYE) bû.
Hintzy, diyar kir ku misyona NATO’yê ya li Iraqê tê wateya alikarîdayîna artêşa Iraqê ku bikare li hemberî terorîzmê têbikoşe, dabînkirina pêşniyaran, pêkanîna tecrûbeyan û dabînkirina aramî û ewlehiya Iraqê.
Sergeneralê Fransî, anî ziman ku artêşa Iraqê xwedî wê hêza profesyonel e ku hemû şaneyên DAÎŞ’iyan tune bike û ji hol rake.
