Navenda Ragihandinê ya Hêzên Ewlekariya Hundirîn a Herêma Bakur û Rojhilatê Sûriyeyê bi daxuyaniyekê diyar kir ku hêzên wan di 5ˊê Mijdarê de qaçaxçîtiya mezin a hebên kaptagonê li kantona Cizîrê têk bir.
Li gorî daxuyaniya navendê, “Dema hêzên me, Hêzên Têkoşîna Dijî Madeyên Hişbirê bi erkên xwe yên asayî li nuqteyeke kontrolê ya girêdayî bajarê Qamişloyê radibû, ajokarekî erebeyekê Hondayê ji cureya sentafê gule avêtin endamên me û bend derbas kir û reviya. Lê ajokar nikarî erebe kontrol bikira û li dîwarekî qelibî, erebe hişt û reviya. Piştî hêzên me dan pey wî ew girtin.
Piştî kontrolkirina erebeyê, hêzên me mîqdareke mezin ji nêzî 43 hezar û 870 hebên kaptagonê, damanceyek 9 mm, klaşînkof û alavên bikaranîna hişbirê dîtin.
Piştî lêpirsînê, nasnameya bazirganê sereke hat naskirin. Dûre ew û 2 kesên pê re karê firotin û bikaranîna hişbirê dikir, hatin girtin.
Hêzan ew kes ji dozgeriya giştî re rakir ku tedbîrên yasayê ji bo wan bên temamkirin û diyar kir ku ew hewlên xwe yên têkoşîna dijî qaçaxçîtiyê û firotina hişbirê ji bo parastina ewlehiya civakê didomînin.”
