Komên çete yên girêdayî Hikûmeta Demkî ya Suriyeyê ku dewleta Tirk destekê dide wana, berê hemû êrişên xwe dane nexweşxaneya Şehîd Xalid Fecir. Tevî ku li nexweşxaneyê nêzî 100 birîndar, nexweş, jin, zarok hene jî, êriş didome.
Çete îdîa dikin ku di bin nexweşxaneyê de tunel hene û hêzên ewlekariyê li wan deran şer dikin.
Hêzên Ewlekariya Hundirîn a Şêxmeqsud têkildarî mijarê daxuyaniyek nivîskî weşand û ev îdîaya çeteyan derewandin. Di daxuyaniyê de hat diyarkirin ku komên çete dixwazin hinceta komkujiyê ji xwe re peyda bikin.
Di daxuyaniyê de bang hat kirin ku şandeyên bêalî yên mafên mirovan ên navnetewî werin û rewşa nexweşxaneyê di cih de bibînin.
