Dîrektora Washington a Rêxistina Şopandina Mafên Mirovan (Human Rights Watch – HRW) Sarah Yager diyar kir ku parvekirina îstixbaratî ya DYE’yê ya bi Îsraîlê re û di plansaziya êrîşê de rol lîstina wê, di aliyê hiqûqa navneteweyî de Washingtonê weke alîgirê şer dide xuyakirin.
Sarah Yager got, “Personelê leşkerî û îstixbaratê yê DYE’yê û taşeronên ku alîkarî dane hêzên Îsraîlê, ji ber hovîtiya li Xezeyê dibe ku rojekê werin lêpirsînkirin.”
Rayedarên DYE’yî jî qebûl kirin ku di pêvajoyên hedefgirtinê de koordînasyona nêz dane Îsraîlê û di êrîşên li dijî lîderên Hamasê de piştgiriya îstixbaratê hatiye dayîn.
Her wiha hate ragihandin ku rêveberiya Trump sewqiyata 2.000 lîbre bombebayan a ji bo Îsraîlê, erê kiriye. Ku serokê berê Joe Biden berê ev sewqiyat asteng kiribû.
AMNESTY JI BO HILWEŞÎNÊN LI LUBNANÊ LÊPIRSÎN XWEST
Li aliyê din Amnesty International diyar kir ku artêşa Îsraîlê li Başûrê Lubnanê ketiye çarçoveya sûcê şer a ‘hilweşandinên mezin ên bi zanebûn hatine kirin’ û bang kir ku lêpirsîneke navneteweyî were vekirin. Di daxuyaniyê de hate destnîşankirin ku milkên ayîdê sivîlan û erdên çandiniyê, bi sîstematîk hatine tunekirin.
