Li Sûriyeyê hikûmeta demkî di meha Adarê de ji bo lêkolînkirina komkujiyên li Lazqiye û Tartusê, Komîteya Neteweyî ya Lêkolînkirina Heqîqetan ava kir. Vê komîteyê HTŞ a di bin bunyeya artêşê de û komên din ên çeteyan parast. Di raporê de hate diyarkirin ku li peravê Sûriyeyê, herî kêm 1.426 kes hatin qetilkirin ku 90 ji wan jin bûn. Lê navên kujeran nehate eşkerekirin.
Serokê Komîsyonê Jumaa Al-Anzî diyar kir ku lîsteya 298 “gumanbar” û 265 “gumanbarên ku tevlî êrîşa ewilî ya li dijî hêzên ewlekariyê bûne”, amade kir.
Berdevk Yasser Farhan anî ziman ku nav ji bo niha nehatine eşkerekirin, lê ji bo lêpirsînê sewqî dadgehan hatine kirin. hate ragihandin ku 31 kes hatine girtin û 6 kesên din jî yên weke “bermahiyên” rejîma berê pênase kirî, hatin girtin.
Farhan destnîşan kir ku piştî bermahiyên rejîma Baasê 238 endamên hêza ewlekariyê yên girêdayî artêşa Şamê kuşt, ji her aliyê welêt nêzî 200 hezar çekdar çûn herêmê û îdîa kir ku êrîşên li hemberî Elewiyan “ne organîzekirî bûn”.
