Akademîsyen Asli Aydemîr, piştî ku li dijî komek şerietparêz ên ku êrîşê Kovara Leman kirine nerazîbûn nîşan da, di 4’ê Tîrmeha 2025’an de, di serdegirtina mal de hatibû binçavkirin.
Asli Aydemîr, bi tohmeta birîndarkirina polîsekî sivîl hate girtin. Asli Aydemîr şeş meh in di girtîgehê de tê ragirtin, lê ji koma êrîşkar tu kes nehatiye girtin.
Îdîaname du caran ji aliyê dadgehê ve hate redkirin, cara sêyemîn hate qebûlkirin û rûniştina yekem ji bo 12’yê Sibata 2026’an hate diyar kirin. Di dozê de sê dozger hatine guhertin, pêvajo pêşde neçû û girtina wê tevî nerazîbûnan berdewam kiriye.
Komeleya Psîkologan ji bo Hevgirtina Civakî, Egîtîm-Sen û Akademisyenên ji bo Aştiyê, daxwaza berdana Asli Aydemîr kirin û diyar kirin ku girtina wê veguheriye amûreke cezakirinê.
