Meclîsa Jinên Ciwan a Partiya Wekhevî û Demokrasiyê ya Gelan (DEM Partî) bi boneya 1’ê Îlonê bi dirûşmeya “Em di jiyana sosyalîst de israr dikin, em bi Rêbertiya azad dimeşin” li ber avahiya Rêxistina DEM Partî ya Stenbolê kom bûn. Girseya ku dixwest ber bi Mala Piştgiriyê ya Guneş a Dolapdere ve bimeşe, ji aliyê polîsan ve hat astengkirin. Girseyê bi dirûşmeyan nerazîbûn nîşan da. Girseyê li wir daxuyaniya çepemeniyê da. Daxuyanî ji aliyê endama Meclîsa Jinên Ciwan a DEM Partiyê Ayşegul Sakalli ve hat xwendin.
Ayşegul Sakalli diyar kir ku ew wek jinên ciwan hem aştî û hem jî azadiyê dipejirînin û got ku aştî ne daxwazek e, mafek e.
Piştre Hevseroka Rêxistina Stenbolê ya DEM Partî Arîfe Çinar axivî û bang li jinan û raya giştî kir ku ji bo aştiyê têkoşîna xwe bidomînin.
Daxuyanî bi dirûşmeyên “Ji şer re na, aştî a niha ” û “Bijî Serok Apo” bi dawî bû.
