Li gorî lihevkirina di meha Hezîranê de hate îmzekirin û ji bo salekê derbasdar e, wê bi tevahî 50 kes ji Kosovayê re werin şandin. Kurti di roportajeke xwe de got: ‘’Em kesên ku DYE wan li ser xaka xwe naxwaze, qebûl dikin. Bi qasî ku ez dizanim yek yan du kes jî hatine’’ lê belê têkildarî agahiyên kesên hatine, dîroka hatina wan û cihê lê dimînin agahiyên berfireh neda.
Hikûmeta Kosovayê ev lihevkirin weke nîşaneyeke ‘’minetdariya ebedî’’ ya ji DYE’yê re pênase kiribû. Washington, hê jî weke bihêztirîn alîgirê Kosovayê ye ku di sala 2008’an de serxwebûna xwe îlan kiribû.
Welatên Rojavayî di demên dawîn de Balkanan weke herêmên ku penaberên serlêdana wan a penaberiyê hatine redkirin yan jî penaberên wê werin dersînorkirin jêre werin werin şandin, tînin rojevê.
Hêjayî bibîrxistinê ye ku Kosovayê beriya niha jî li gel Danîmarkayê lihevkirineke 200 milyon euroyî ya têkildarî girtiyên biyanî cezayên xwe li girtîgehên Kosovayê bikşînin, îmze kiribû.
