Rayedarên Ewlekariya Peravê, diyar kirin ku keştiyeke ku zêdetirî 50 koçber tê de bûn li nêzî girava Îkaria ya li Deryaya Egeyê noqî avê bû. Hate ragihandin ku cenazeyê jinek û zarokekî biçûk li peravê hatin dîtin, nêzîkî 50 koçber hatin rizgarkirin û sê kes hîn jî winda ne.
Bayên ku di saetekê de digihîjin 50-60 kilometreyî, hewldanên rizgarkirinê zehmetir dikin. Komên parastina peravê li herêmê xebatên lêgerîn û rizgarkirinê didomînin.
Koçberên ku hewl didin ji peravên Tirkiyeyê bigihîjin Ewropayê pir caran rastî qezayên mirinê tên. Di destpêka Kanûnê de 17 kes di qezayek keştiyê de li peravên Girîtê mirin û 15 kes winda bûn, tenê du kes sax man.
Li gorî daneyên Komîseriya Bilind a Koçberan a Neteweyên Yekbûyî, di sala 2025’an de 107 koçber li peravên Yewnanîstanê mirine an winda bûne. Li gorî Missinge Migrantsê ku girêdayî Rêxistina Koçberan a Navneteweyî ya (IMO) ya NY’yî ji sala 2014’an vir ve nêzîkî 33 hezar koçberan li Deryaya Spî jiyana xwe ji dest dane.
