Meclisa Malbatên Şehîdan a bajarê Helebê bi daxwaza azadiya fîzîkî ya Rêber Apo meşeke girseyî lidar xist. Bi hezaran şênî ji pêş hola 8’ê Adarê ya civîan meşiyan.
Di meşê de şêniyan wêneyên Rêber Apo, alên Meclisa Malbatên Şehîdan, çiqilên zeytûnê ku nîşaneya giştîkirina aştiyeyê, hildan.
Piştî şênî li kolanên taxa Şêxmeqsûdê geriyan li nêzî avahiya Tevgera Civaka Demokratîk (TEV-DEM) ya li beşa rojhilatê taxa Şêxmeqsûdê rawestiyan.
Li wir, endamê Meclisa Malbatên Şehîdan Mihemed Şêx Qenber ku bavê şehîd Cûdî ye, û berdevka Însiyatîfa Azadiya Rêber Apo Amine Xidro ku dayika şehîd Şoreş e, axivin.
Mihemed Qenber diyar kir ku hevgirtina gel a berdewam a ji destpêka komploya navneteweyî ya li dijî Rêber Apo û beriya wê ve, hişt ku dan û standinên ku ji bo bidestxistina mafên rewa yên gelê Kurd pêk tên, xurt bibin.
Qenber destnîşan kir ku Rêber Apo bi îdeolojî û felsefeya xwe ya li ser rizgariya civakan, karîbû Girtîgeha Îmraliyê veguhere ronahiya ramanên azad û bi dehan pirtûkên ku dijmin xiste aliyê têkçûyî yê vê hevkêşeyê, derxe.
Amine Xidro jî got gel hîna li ser soza daye Rêber Apo ye, ku projeya demokratîkkirina herêmê temam bike.
Amine projeya Rêber Apo şibihand “Keştiya Nûh”, ku wê herêmê ji lehiya dijwar û pirsgirêkên ku tê jiyîn rizgar bike.
Amine di dawiya axaftina xwe de destnîşan kir ku dema Rêber Apo li Helebê bû, fikra xwe ya azad di nava gelê ku ji nifşekî heta nifşekî veguhastiye de xurt kir.
Çalakî bi dirûşmeyên silavkirina têkoşîna Rêber Apo ya li Îmraliyê û banga azadiya wî ya fîzîkî bi dawî bû.
