Li gorî medyaya dewletê, bi taybetî li taxên bakur-rojava û başûr-rojavayî yên bajêr, metirsiya lehiyê zêde bûye û herêmên Miyun, Fangshan, Mentougou û Huairou ketine rewşa hişyariyê.
Şaredariya Pekînê, ji duşemê nîvro heta sibeha sêşemê ji ber baranên dijwar ên ku barîn hişyariya asta herî bilind ragihand. Tê gotin ku li bajêr 82 hezar kes hatine derxistin.
Hefteya borî ji ber bûyerên hewaya zêdetirî 44 kes jiyana xwe ji dest da û 9 kes jî winda bûn. Windahiyên herî zêde li navendeke lênêrîna kal û pîran a li herêma Miyunê qewimî. Piştî bûyerê, rayedaran qebûl kir ku di amadekariyên karesatê de “kêmasî” hene.
Li Çînê di mehên havînê de karesatên xwezayî yên wekî lehî û ziwabûn gelemperî ne. Li gorî zanyaran, emîsyonên bilind ên gaza serayê ya Çînê, guherîna avhewayê lez dike û frekans û tundiya bûyerên hewayê yên zêde zêde dike.
Rêveberiya Pekînê jî, bi armanca ku heta sala 2060’î bigihîje bêalîbûna karbonê, hewl dide ku di enerjiya nûjenkirî de pêşengiyê bike.
