Li gorî daxuyaniya rêxistineke sivîl a bi navê Komîteya Koordînasyona Berxwedanê, di encama êrîşa dronan a ku Hêzên Piştgiriya Lezgîn (HPL) pêk anî de, li bajarê El-Faşirê herî kêm 60 kesan jiyana xwe ji dest da.
Komîteyê diyar kir ku hêzên HPL’ê du êrîşên dronan ên cihê pêk anîne û her wisa heşt topên hawanê avêtine.
Hat ragihandin ku êrîş li navenda penaberan a Dar el-Erkamê ya li kampusa zankoyê hatiye kirin.
Di daxuyaniya berê ya heman komê de hatibû gotin ku 30 kes mirine, lê bi derxistina termên nû ji bin kavilan, hejmara miriyan du qat zêde bûye.
Ev êrîş di demeke ku şerê navxweyî yê di navbera artêşê û HPL’ê de, ji Nîsana 2023’an û vir ve her ku diçe dijwartir dibe, pêk hat.
Li gorî Neteweyên Yekbûyî, ji destpêka şer ve bi deh hezaran sivîlan jiyana xwe ji dest dane û zêdetirî 13 milyon kes ji cih û warên xwe bûne.
El-Faşir jî wekî bajarê dawî yê mezin ê li Darfûrê ku hîn bi qismî di bin kontrola artêşê de ye, dimîne.
