Di serî de Zurich, Basel, Lozan û Bielê li gelek bajarên Swîsreyê jinan çalakî lidar xistin. Di çalakiyan de aktîvîstên Yekîtiya Jinên Kur a Swîsreyê (YJK-S) bi pankartên xwe amade bûn.
LOZAN
Li bajarê Lozanê saet di 19:00 de jin li parka Montbenonê li hev kom bûn. Jinan bi dirûşman heta qada Place de 14 Juin meşiyan. Ji bo bîranîna jin a ku hefteyên derbasbûyî li taxa Bel-Air a Lozanê hate qetilkirin jinan li cihê lê hate qetilkirin deqeyek rêz girtin. Piştre jî girseya gel find vêxistin, kulîlk danî û meşa xwe dewam kir. Di dawiya çalakiyê de daxuyanî bi navê saziyên jinan hate dayin. Jinên Kurd jî belavoka YJK-S’ê xwendin.
BIEL
Li bajarê Biel ê Swîsreyê bi pêşengiya rêxistinên jinan ên weke Frauenstreik (Greva jinê) û YJK-S’ê jin li Altstdt’ê saet di 18:30’î de li hev kom bûn û meşiyan. Bi navê Tevgera Jinên Kurd li Guisanplatzê daxuyaniyek ji çapemeniyê re hate dayin. Di daxuyaniyê de hate ragihandin ku tundiya li hemberî jinê şexsî nîne, lê pirsgirêkeke polîtîk e. Jin piştî daxuyaniyê heta strasyona navendî ya trenê ya Bielê meşiyan. Di meşê de dirûşma ‘Jin, Jiyan, Azadî’ hate qîrîn.
