Partiya Îslamî ya Kurdistanê (PÎK) bi wesîleya salvegera qirkirina sîstematîk a ku ji aliyê rejîma Sedam Huseyîn ve di 31ê Tîrmeha 1983an de li dijî gelê Kurd ên Başûrê Kurdistanê pêk hat, daxuyanî da û şehîdên Enfalê bi bîr anî.
Daxuyaniya li ser navê Serokê PÎKê Hikmet Serbilind ve hatî dayin de hat diyarkirin ku operasyonên Enfalê jenosîdeke sîstematîk a ku li dijî gelê Kurd hatiye kirine.
Di daxuyaniyê de hat bibîrxistin ku di nav wan de jin û zarok jî hebûn nêzîkî 8 hezar kesn bi zorê ber bi çolên Başûrê Iraqê ve hatin birin û li wir hatin qirkirin.
Di daxuyaniyê de hat gotin ku êrîşên çekên kîmyewî, înfazên girseyî, koçberkirina bi darê zorê û qirkirina çandî di çarçoveya planekê de hatiye kirin û hat destnîşankirin ku tevî ku ev trajediya yek ji rûpelên herî tarî yên dîroka mirovahiyê ye jî, nekarî têkoşîna azadiya gelê Kurd bitepisîne.
Di daxuyaniyê de wiha hat gotin: “31’ê Tîrmehê ne tenê roja şînê ye; di heman demê de roja berxwedan û hêviya pêşerojê ye jî. Em weke PÎKê qurbaniya şehîdên Enfalê ji bîr nakin û piştgiriya me ya ji bo têkoşîna azadiya gelê Kurd wê bidomîne.”
