Wezîrê Derve yê Spanyayê roja Sêşemê ragihand ku Spanya dê qedexeya ketina welêt ji du wezîrên rastgir ên hikûmeta Benjamin Netanyahu re bîne.
Ev daxuyanî piştî daxûyaniya Îsraîlê hat, ku wan jî tevdîrên wekhev li dijî du wezîrên Spanyayê girtiye.
Roja duşemê 8’ê Îlonê Serokwezîrê Spanyayê Pedro Sánchez hin tevdîrên nû ji bo rawestandina êrîşên li Xezayê ragihand.
Sánchez ragihand ku hikûmetê biryar daye ku tavilê neh tevdîrên nû bicîh bîne da ku jenosîda li Xezayê rawestîne û berpirsiyaran bîne ber dadgehê û piştgirîya gelê Filistînê bike.
Biryarên ku ji hêla Madrîdê ve hatine girtin; qedexekirina bi tevahî firotina çekan ji Îsraîlê re, qedexekirina keştiyên ku sotemeniyê ji bo artêşa Îsraîlê hildigirin û ketina wan a lêmanên Spanyayê û sînordarkirinên dîplomatîk li ser Îsraîlê vedihewîne.
