Xelkê bajarokê Rizgarî ya ser bi Herêma Germiyan li parka Dayîk bi daxuyaniyekê piştgirî dan berxwedana gel û hêzên Ewlekariya Hundirîn yên li taxên Şêxmeqsûd û Eşrefiyê.
Di daxuyaniyê de tevî nûnerên hizb û aliyên siyasî, nûnerên rêxistinên sivîl, çalakvan, mamosta û xizmên enfaliyan jî hebûn.
Di daxuyaniya ji aliyê Lawan Ehmed ve hatî xwendin de ev tişt hatin gotin; “Çekdarên Ehmed Şer bi rojane bi çekên giran êrişî gelê me yên li taxên Şêxmeqsûd û Eşrefiyê dikin. Çekdar dixwazin taxên Kurdan dagir bikin. Em weke niştecihên bajarokê Rizgarî, piştgiriya berxwedan û têkoşîna hêzên Ewlekariya Hundirîn û niştecihên taxên Kurdan dikin. Em hemû êrişên hovane ên çekdarên Ehmed Şer şermezar dikin.
Em bang li gelê Kurd dikin, bi taybet jî gelê Başûr dikin ku bêdeng nemînin. Em bang li saziyên navnetewî, NY û her kesê dikin ku rê li êrişên ser gelê me bigirin.”
