Navenda Ragihandinê ya QSD’ê nûçeyek li ser malpera xwe weşand.
Di nûçeyê de hate gotin ku duh li Akademiya Şehîd Çayan perwerdeya 100 şervanên Hêzên Komandos bi dawî bû.
Hate diyarkirin ku dewreya perwerdeyê bi navê şehîd Koçero û şehîd Fewzî hat birêxistin. Di dewreyê de waneyên îdeolojî, siyasî û leşkerî, perwerdeyên li ser bikaranîna çekên ferdî, navîn, taktîkên şer û rêbazên şerên nûjen hatin dîtin.
QSD’ê diyar kir di merasîma bidawîkirina perwerdeyê de fermandarê herêma Firatê Cemîl Mazlûm axivî. Mazlûm bidawîkirina perwerdeyê li şervanan pîroz kir û girîngiya rola Hêzên Komandos di vê pêvajoyê de vegot.
Merasîm bi torana leşkerî ya şervanan bi dawî bû.
