Ajansên fermî yên Îranê ragihandin ku êrîşên li paytext Tehranê hatine kirin, bandor li hinek avahiyên di nav kompleksa dîrokî de kiriye.
Li gorî nûçeyan, bi taybetî di Qesra Kesk de ku beşekî girîng ê qesrê ye, cam şikestine, perçeyên banê wê hilweşiyane û kavil çêbûne. Hat diyarkirin ku ji ber şokên teqînê herî kêm du pavyonên din jî zirar dîtine.
Artêşa Îsraîlê daxuyand ku li Tehranê li dijî armancên binesaziya aîdî rejimê êrîşên nû pêk aniye; hat diyarkirin ku li nêzî herêma Qesra Saadabadê, tesîsên leşkerî û îdarî jî hene.
Kompleksa Saadabadê ya ku di destpêka sedsala 20’an de hatiye avakirin û îro avahiyên wekî muze tên bikaranîn dihewîne, di heman demê de mazovaniya hinek rûniştgehên Serokkomarê Îranê jî dike. Qesra ku wekî yek ji qadên çandî yên herî zêde tê ziyaretkirin tê naskirin, bi qada xwe ya parkê ya fireh û koşkên xwe yên dîrokî derdikeve pêş.
UNESCO’yê di destpêka hefteyê de ragihandibû ku li Îranê ji 29 qadên di lîsteya Mîrateya Cîhanê de ne, di çar qadan de zirar tespît kiriye. Qesra Saadabadê ne di nav vê lîsteyê de bû.
Di nav cihên ku zirar dîtine de Qesra Golestanê ya ku li navenda dîrokî ya Tehranê ye, Mizgefta li Îsfahanê û qadên pêşdîrokî yên li Geliyê Xurremabadê hene.
