Li gundê Girzerîk ê bajarokê Tilizêr evara 31’ê Cotmehê gundiyan li nêzî gundê xwe gorek dîtin. Di nava gorê de cil û hestî hatin dîtin. Li gorî agahiyan, di nava cilan de nasnameya Ahmed Hisên Şemo hatiye dîtin. Lê nayê zanîn tenê cenazeyê Ahmed Hisên di wê gorê de ye, yan jî ew gorek komî ye.
Ahmed Hisên Şemo ku ji gundê Girzerik ê ser bi bajarokê Tilizêrê ye, ji roja destpêka fermana 2014’an heta niha tu agahî jê nayê girtin.
Piştî bihîstina gorê, malbata Ahmed Hisên Şemo û hêzên ewlehiyê çûn cihê gorê. Niha xelkê gund li benda vekirina gorê ye. Tê gotin wê ji tiba edlî ya Mûsilê tîmek pispor serdana cihê gorê bike û lêkolînan bidin destpê kirin.
Hêjayî gotinê ye çeteyên DAIŞ’ê 3’yê Tebaxa 2014’an êrişî Şengalê kiribûn bi hezaran kes qetilkiribûn û bi hezaran ji dîl gîrtîbûn. Kesên ji aliyê çeteyên DAIŞ’ê ve hatibûn qetilkirin bi komî xistibûn dibin axê de. Heya niha li Şengalê gelek gorên komî hatine dîtin û vekirin. Lê Şengalê hîn gelek gor hene ku nehatine vekirin.
