13’emîn Konferansa Komîteya Malbatên Şehîdan a Wargeha Penaberan a Şehîd Rûstem Cûdî (Mexmûr) li salona konferansê bi “Xwedîderketina li şehîdan bi avakirina civaka demokratîk û komunal pêkane” ku duh destpê kiribû, piştî nîqaş û nirxandinên du rojan, bidawî bû.
Di konferansê de kar û xebatên Komîteya Malbatên Şehîdan a Memxûrê yên di nava van du salan hatine kirin, hatin nirxandin û plansaziya kar û xebatên du salên pêşiya me hate danîn. Piştî nirxandinên du rojan, rêzikname û pêşniyar biryarên Komîteya Malbatên Şehîdan a Mexmûrê ji delegeyên amade re hate xwendin û di erêkirina wan re hate derbazkirin.
Herî dawî bi hilbijartin delegeyên amade Hevberdevkên nû yên Komîteya Malbatên Şehîdan hatin hilbijartin. Di encama hilbijartinên de Evîn Tayboga û Qedrî Şîrişeyî bûn hevberdevkên nû.
Axaftina girtinê ya konferansên ji aliyê hevberdevkê nû yê Komîteya Malbatên Şehîdan Qedrî Şîrişeyî ve hat kirin.
Qedrî Şîrişeyî di destpêka axaftina xwe de diyar kir ku wê erk û berpirsiyariya çêkera amade dayî pêşiya wan bêdudil pêkbînin û wiha got: “Em ê hewl bidin bi hêza xwe kar û xebatên rêxistin ber bi pêş ve bibin. Em hêvî û bawerî ji gelê xwe dikin ku wê di nava van du salan de bi me û xebatên me re bibin alîkar. Emê di qada jiyanê û xebatê de bi hev re xebatên xwe birêve bibin. Emê bi hev re vê xebatên vê saziyê bi rêve bibin. Ji ber ku em di pêvajoyek girîn û hesas re derbaz dibîn. Em bi perspektîfên nû yê Rêbertî û stratejiya nû dest bi xebatên xwe yê demê nû bikin. Li ser wê bigehê jî emê civaka aştî û demokratîk pêş bixin.”
Konferans bi dirûşmeyên “Bê Serok jiyan nabe” û “Şehîd namirin” bidawî bû.
