Di danezanê de hate diyarkirin ku her çend pênasekirina sûcên li dijîî sivîlan ên di êrîşa 7’ê Cotmeha 2023’yan de ên weke sûcên şer û sûcên li dijî mirovahiyê lezgîn be, divê rewşa îroyîn ya li Xezeyê jî weke ‘’komkujiyekê’’ were pênasekirin.
Nivîskarên ku bi Fransî dinivîsin, daxwaz kirin ku li Îsraîlê ceza were birîn û hem dilgirtiyên Îsraîlî û hem jî bi hezaran Filistiniyên ku li girtîgehên Îsraîlê bi awayekî kêfî tên girtin, werin berdan.
Danezan ji aliyê nivîskarên xwediyên Xelata Edebiyatê ya Goncour ên weke Herve Le Tellier, Jerome Ferrari, Leila Slimani, Laurent Gaude, Mohamed Mbougar Sarr ve Brigitte Giraud ve jî hate îmzekirin.
Artêşa Îsraîlê, piştî êrîşa Hamasê ya di 7’ Cotmeha 2023’yan de ev zêdetirî 19 mehan e li Xezeyê operasyoneke leşkerî dide meşandin. Piştî 17’ê Gulana 2025’an jî ev operasyon dijwartir bûne. Rayedarên Îsraîlî bi awayekî eşkere diyar dikin ku armanca wan bidestxistina kontrola hemû Xezeyê û jiholêrakirina Hamasê ye.
Lê belê Îsraîl sûcdarkirinên têkildarî ‘’pêkanîna komkujiyan’’ bi zimanekî teqez red dike. Lê belê ev pênase ji aliyê Neteweyên Yekbûyî (NY), rêxistinên mafên mirovan û hin dewletan ve her ku diçe zêdetir tê bilêvkirin û bikaranîn. Nivîsaran anî ziman ku ew vê têgehê ne weke ‘’dirûşmeyekê’’ weke pênasekirina hovîtitiya li herêmê bi kar tînin.
