Rojnamevan Zeynep Kûray, Hayrî Tûnç, Yasîn Akgul (AFP), Bulent Kiliç, Alî Onûr Tosûn (NOW TV), Gokhan Kam û Kûrtûlûş Ari ku çalakiyên piştî girtina Şaredarê Bajarê Mezin ê Stenbolê hatin destpêkirin dişopandin, di 25’ê Adarê de di serdegirtina malên wan de hatibûn binçavkirin û piştre hatibûn girtin.
Rojnamevan di 27’ê Adarê de li ser îtirazê hatin berdan, lê belê gilînameya li hemberî wan hate amadekirin ji aliyê Dadgeha Ceza ya Asliye ya 62’an a Stenbolê ve hate qebûlkirin.
Rojnamevan wê bi sûcdariya ‘Rabûna li ber Qanûna Meş, Xwepêşandan û Civînan’ bêne darizandin.
Di gilînameyê de gotineke bi vî rengî balê dikişîne: “Nehatiye tespîtkirin ku gumanbaran karekî rojnamevaniyê kirine.” Dema rûniştina destpêkê ya dozê hîn nehatiye eşkerekirin.
